Vaalmiki Ramayanam – 66

0
154
Vaalmiki Ramayanam -76
Vaalmiki Ramayanam -76
Vaalmiki Ramayanam – 66 – రామాయణం – 66 – నలుడు వచ్చి సేతు నిర్మాణము ప్రారంభిస్తానన్నాడు. అక్కడున్న వానరులందరూ సంతోషపడిపోయి పర్వతాలు, కొండలు ఎక్కి పెద్ద పెద్ద శిలలు మోసుకొచ్చి సముద్రములో పడేస్తున్నారు.
ఆ సమయంలో ఎవరినోట విన్నా ‘ సీతారామ ప్రభువుకి జై ‘ అంటూ ఉత్సాహంగా రకరకాల చెట్లని తీసుకొచ్చి సముద్రంలో పడేశారు.
మొదటి రోజున పదునాలుగు యోజనముల సేతువుని నిర్మించారు, రెండు మూడు నాలుగు అయిదు రోజులలో ఇరవై , ఇరవై ఒకటి, ఇరవై రెండు, ఇరవై మూడు యోజనాల సేతువుని నిర్మించేసారు. మొత్తం అయిదు రోజులలో నూరు యోజనముల సేతువు నిర్మాణము అయిపోయింది. Vaalmiki Ramayanam – 66
“మీరందరూ ఈ సేతువు మీద ప్రయాణం చేసి ఆవలికి చేరుకోండి ” అని రాముడు అన్నాడు.
వానరములలో కొంతమంది సేతువు మీద నడవకుండా సేతువు యొక్క అంచుల మీద నడిచేవారు. కొంతమంది సముద్రంలోకి దూకి మళ్ళీ సేతువు ఎక్కి వెళ్ళేవారు. ఇంకొంతమంది సముద్రములో ఈదుకుంటూ వచ్చారు.
కొంతమంది ఒక పెద్ద చెట్టుని పెకలించి సముద్రంలో పడేసి దాని మీద కూర్చుని తోసుకుంటూ వచ్చేవారు. ఆ రోజున సముద్ర ఘోష గొప్పదా! వానర ఘోష గొప్పదా ! అంటే ఎవరూ చెప్పలేకపోయారు. అంత అల్లరి చేసుకుంటూ వెళ్ళారు. ఎన్నిరోజులైనా ఆ సైన్యం లంకాపట్టణానికి వస్తూనే ఉన్నది. చివరికి అన్ని కోట్ల వానర సైన్యం లంకని చేరుకున్నది.
రాముడు సుగ్రీవుడిని, విభీషణుడిని పిలిచి ” మనం అవతల ఒడ్డున ఉండగా శుకుడన్నవాడు రాయబారం చెయ్యడానికి వచ్చాడు కదా ! వాడు ఎక్కడున్నాడు ” అని అడిగాడు.
అప్పుడు ఆ శుకుడిని తీసుకొచ్చి రాముడి ముందు ప్రవేశపెట్టారు. రాముడు ” నువ్వు ఎందుకొచ్చావు? ” అని అడిగాడు.
” బుద్ధిహీనుడైన రావణుడు మీ బలాన్ని చూసి రాయబారం చెప్పమన్నాడు. ఇందులో నా తప్పు లేదు. నీ వంటి ప్రాజ్ఞుడు రాయబారిని చంపడు ” అన్నాడు.
రాముడు ఒక చిరునవ్వు నవ్వి ” నువ్వు అన్నీ చూసావా ? ” అని అడిగాడు. సుకుడు ” ఇంకా చూడలేదు ” అన్నాడు.
” విభీషణా ! వీడిని తీసుకెళ్ళి దగ్గరుండి మన సైన్యం అంతా ఒకసారి చూపించు. చూపించాక వీడిని వదిలెయ్యండి వెళ్ళిపోతాడు ” అన్నాడు.
ఆ సుకుడు వానర సైన్యం అంతా చూశాక రావణుడి దగ్గరికి వెళ్ళాడు. అప్పుడు రావణుడు ” రెక్కలు విరిగిపోయాయే ” అని సుకుడిని చూసి ఎకిలించాడు.
సుకుడన్నాడు ” రాముడు నీలాంటి దుర్మార్గుడు కాదు. ఆయన నన్ను ప్రాణాలతో విడిచిపెడితే వాళ్ళ సైన్యాన్ని చూసి వచ్చాను. ఆ సైన్యం సామాన్యమైన సైన్యం కాదు. అందులో అరవీర భయంకరులైన వానరులు ఉన్నారు. Vaalmiki Ramayanam – 66
వాళ్ళు సముద్రాన్ని దాటి వచ్చేశారు. వాళ్ళందరూ నిన్ను మట్టుపెట్టకముందే నా మాట విని సీతమ్మని విడిచిపెట్టు. వానరులందరినీ గరుడ వ్యూహంగా నిలుచోబెట్టారు. శిరస్థానం దగ్గర రాముడు, లక్ష్మణుడు నిలబడ్డారు. హృదయ స్థానమునందు అంగదుడు నిలబడ్డాడు.
కుడి వైపున ఋషభుడు, ఎడమ వైపున గంధమాదనుడు, వెనుక భాగమునందు సుగ్రీవుడు నిలబడ్డారు. అలా కొన్ని కోట్ల కోట్ల వానరాలని నిలబెట్టారు ” అన్నాడు.
రావణుడు శుక, సారణులు అనే మరో ఇద్దరు గూఢచారులని పిలిచి వానర సైన్యాన్ని చూసి, ఎంత సైన్యం ఉన్నదో లెక్కపెట్టి రమ్మన్నాడు.
Vaalmiki Ramayanam - 65
Vaalmiki Ramayanam – 65
ఆ ఇద్దరు గూఢచారులు ప్రచ్ఛన్న రూపాలలో ఆకాశములో ఉండి వానర సైన్యం ఎంత ఉన్నదో అని చూస్తుండగా విభీషణుడు వాళ్ళని పసిగట్టి రాముడి దగ్గరికి తీసుకెళ్ళి ” వీళ్ళు దుర్మార్గులు అందుకని వీళ్ళని బంధించి తీసుకొచ్చాను ” అన్నాడు.
ఇంతకముందు శుకుడితో ఎలా మాట్లాడాడో అలానే ఈ ఇద్దరు గూఢచారులతో రాముడు మాట్లాడి విభీషణుడితో వాళ్ళని పంపించి సైన్యాన్ని చూడమన్నాడు.
శుక సారణులు వానర సైన్యాన్ని చూసి, రావణుడికి ఆ సైన్యం గురించి వివరించారు. అప్పుడు రావణుడు ” వాళ్ళందరూ నూరు యోజనాల సముద్రాన్ని దాటి వచ్చేశారు అంటున్నారు కదా! వాళ్ళని ఒకసారి నాకు చూపించండి ” అన్నాడు.
రావణుడు శుక సారణులతో కలిసి ఒక ప్రాసాదం ఎక్కి ” వాళ్ళలో ఎవరు ఎవరో నాకు చెప్పు ” అన్నాడు.
సారణుడు అన్నాడు ” రావణా ! అక్కడ చూడు, ఆయన ధూమ్రుడు. ఆ ధూమ్రుడి తమ్ముడే జాంబవంతుడు. Vaalmiki Ramayanam – 66
ఆయన అపారమైన పరాక్రమము ఉన్నవాడు. కొన్ని కోట్ల వానరములతో యుద్ధానికి వచ్చాడు. వాడు గట్టిగా పెద్ద పెద్ద కేకలు వేస్తే వాడి నోట్లోనుంచి వచ్చే నాదానికి శత్రువుల గుండెలు బద్దలయిపోతాయి. వాళ్ళకి వేరె ఆయుధములు అక్కరలేదు.
వాళ్ళకి గోళ్ళు, కోరలు ఆయుధములు. పళ్ళతో కొరుకుతారు. మోచేతులతో పొడుస్తారు. చెట్లు పెకలిస్తారు. పర్వత శిఖరాలని ఊపుతారు. పెద్ద పెద్ద శిలలని విసురుతారు.
ఒక్కొక్కడిది పది ఏనుగుల బలం, కొంతమందికి వంద ఏనుగుల బలం, వెయ్యి ఏనుగుల బలం, లక్ష ఏనుగుల బలం, కొంతమందిది ఎంత బలమో చెప్పడము కుదరదు.
ఇందులో ఇంకా ఆశ్చర్యమైనవాడు ఇంకొకడు ఉన్నాడు. ఆయన అడుగు తీసి అడుగు వేస్తే యోజనం దూరం పడుతుంది అడుగు. ఆయనంత విశాలమైన శరీరంము ఉన్నవాడు ఈ భూమిలో లేడు.
అదిగో ఎదురుగా కనపడుతున్నది ఆయనే. ఆయన పేరు పనసుడు. నాలుగు యోజనముల విశాలమైన శరీరాన్ని పొంది ఉంటాడు. ఆయన పక్కన కనపడుతున్నవాడు సుగ్రీవుడు. Vaalmiki Ramayanam – 66
ముప్పైఆరు కోట్ల వానరములు సర్వకాలములయందు ఆయన చుట్టూ ఉంటాయి. గద ఎత్తి ‘ రారా రావణ ‘ అని ఆయన అక్కడ అరుస్తుంటే ఇక్కడ లంకలో ప్రాసాదములు కదులుతున్నాయి.
ఇన్ని కోట్ల వానరములకు ఆయన అధినాదుడు. ఆయన ఆజ్ఞకి తిరుగులేదు. ఆయన కిష్కింధని రాజధానిగా చేసుకొని పరిపాలిస్తాడు. ఈయన కన్నా బలవంతుడైన ఈయన అన్న వాలిని రాముడు ఒక్క బాణముతో కొట్టి చంపేశాడు. వాలి మెడలో ఉండే మహేంద్ర మాల ఇప్పుడు సుగ్రీవుడి మెడలో ఉన్నది.
అదిగో అటు చూడు, ఆయన కేసరి, హనుమ యొక్క తండ్రి. ఆయన మేరు పర్వత శిఖరాల మీద తిరుగుతుంటాడు. కొన్ని లక్షల సైన్యంతో యుద్ధానికి వచ్చాడు. ఆయనది సామాన్యమైన శక్తి కాదు.
ఆ పక్కన ఉన్న గంధమాధనుడి శక్తి అంత ఇంత అని చెప్పడానికి కుదరదు. అక్కడున్న వానరములలో కొంతమంది బంగారు రంగులో మెరుస్తూ ఉంటారు. కొంతమంది కాటుక కొండల్లా ఉంటారు. కొంతమంది భయంకరమైన దంతాలతో ఉంటారు.
కొంతమంది తోకలు పొడుగ్గా ఉంటాయి. కొంతమంది ఎర్రగా, కొంతమంది పచ్చగా ఉంటారు. అక్కడున్న గుహల నిండా, పర్వతాల నిండా వాళ్ళే. సముద్రం మీద వాళ్ళే, ఆ వారధి మీద వాళ్ళే, లంకా పట్టణము చుట్టూ వానరములే.
ఈ వానరములే కాకుండా వారధి దాటుతూ ఇంకా వానరములు వస్తూనే ఉన్నాయి. లంకాపట్టణము చుట్టూ ఉన్న వనములలో ఉన్న ప్రతి చెట్టు మీద భల్లూకాలు ఉన్నాయి. ఈ భల్లూకాలన్నిటికి జాంబవంతుడు నాయకుడు.
ఇంకా గవయుడు, గయుడు, గవాక్షుడు కోటి ఏనుగుల బలం ఉన్నవారు. నీ మీదకి ఇవ్వాళ ఎంత సైన్యం యుద్ధానికి వచ్చిందో చెబుతాను విను పది పదివేలయితే ఒక లక్ష, పది పదిలక్షలు అయితే ఒక కోటి, లక్ష కోట్లయితే ఒక సంకువు, వెయ్యి సంకువులు ఒక మహా సంకువు, వెయ్యి మహా సంకువులు ఒక వృందము, వెయ్యి వృందములు ఒక మహా వృందము, వెయ్యి మహా వృందములు ఒక పద్మము, వెయ్యి పద్మములు ఒక మహా పద్మము, వెయ్యి మహా పద్మములు ఒక ఖర్వము, వెయ్యి ఖర్వములు ఒక మహా ఖర్వము, వెయ్యి మహా ఖర్వములు ఒక సముద్రము, వెయ్యి సముద్రములు ఒక ఓధము, వెయ్యి ఓధములు ఒక మహా ఓధము. ఇటువంటి మహా ఓధములు ఎన్నున్నాయో చెప్పడము కుదరదు.
అక్కడ మధ్యలో నిలబడినవాడు హనుమ. ఆయన బంగారు శరీరముతో మెరిసిపోతుంటాడు. ఆయనకి బ్రహ్మగారి వరం ఉన్నది ఏ అస్త్ర-శస్త్రములకి ఆయన కట్టుబడడు.
ఆయన పక్కన నీలమైన శరీరంతో, పద్మాలవంటి కన్నులతో, ఎడమ చేతితో కోదండం పట్టుకుని, సాముద్రిక శాస్త్రంలో ఎలా ఉండాలని చెప్పబడిందో అలా పోతపోసిన సౌందర్యంతో ఉన్నాడే, ఆయనే రాముడు. ఆయన పరమ ధర్మాత్ముడు. పితృవాక్య పరిపాలకుడు.
ఆ రాముడి బహి ప్రాణం లక్ష్మణుడు. కంటిని కనురెప్ప కాపాడినట్టు ఆయన నిరంతరం అన్నని కాపాడుతూ ఉంటాడు. రామతుల్యమైన పరాక్రమము ఉన్నవాడు. రాముడికి ఎన్ని అస్త్ర-శస్త్రములు తెలుసో లక్ష్మణుడికి కూడా అన్ని అస్త్ర-శస్త్రములు తెలుసు ” అని పొంగిపోతూ ఆ రామ సైన్యం గురించి రావణుడికి చెబుతున్నాడు. Vaalmiki Ramayanam – 66
రావణుడు ఆ సారణుడిని ఆపి ” నీకు ఎంత సంతోషముగా ఉన్నది వాళ్ళ గురించి చెప్పడం నా అన్నం తిని వాళ్ళని పొగుడుతావా ! ఇంకొకళ్ళు అయితే ఇప్పుడే పీకలు తీయించేవాడిని.
కాని మీరు నాకు గతంలో చాలా ఉపకారాలు చేశారు కనుక వదిలేస్తున్నాను. ఇంకెప్పుడన్నా మీ ముఖాలు నాకు కనపడితే మీ పీకలు ఎగిరిపోతాయి.
Vaalmiki Ramayanam - 66
Vaalmiki Ramayanam – 66
పోండి ఇక్కడినుంచి ” అని, శార్దూలుడిని పిలిచి ” ఈ సారి నువ్వు వెళ్ళి గూఢచర్యం చేసి ఎవడు ఏ వంశానికి చెందినవాడు? ఎవడు ఎవడి పుత్రుడు? రాముడు ఆహారం ఎక్కడ తింటాడు? ఎక్కడ పడుకుంటాడు? పక్కన ఎవరుంటారు? ఎవరు రక్షిస్తూ ఉంటారు? మొదలైన ఈ విషయాలని కనిపెట్టి రా ” అన్నాడు.
రావణుడు విద్యుజిహ్వుడిని పిలిచి ” నువ్వు నాకు ఒక ఉపకారం చెయ్యాలి. నువ్వు గొప్ప మాయాజాలం ఉన్నవాడివి. రాముడి శరీరము నుండి శిరస్సు విడిపోతే ఆ శిరస్సు ఎలా ఉంటుందో ముమ్మూర్తులా అటువంటి శిరస్సు తయారుచెయ్యాలి.
రాముడి చేతిలో ఎటువంటి కోదండం ఉంటుందో అటువంటి కోదండాన్ని సృష్టించాలి. అలాగే రాముడి బాణాలు, అక్షయతుణీరాలు ఎలా ఉంటాయో అటువంటివి సృష్టించాలి ” అన్నాడు.
కొంతసేపటికి ఆయన అశోక వనమునకు వెళ్ళి ” సీతా ! నా భర్త అంత గొప్పవాడు అని గొప్పగా చెప్పావు కదా! ఆ రాముడు వానరములతో కలిసి సముద్రానికి సేతువు కట్టి దాటాడు.
రాముడు దక్షిణ తీరంలో లంకకి సమీపములో పడుకొని ఉండగా ప్రహస్తుడి నాయకత్వంలో సైన్యం వెళ్ళి ఆదమరచి నిద్రిస్తున్న రాముడి శిరస్సుని శరీరము నుండి వేరు చేశారు. నిద్రపోతున్న వానరముల మీద మా సైన్యం దాడి చేసి అందరినీ సంహరించారు. హనుమంతుడు దవడల నుండి రక్తం కక్కుతూ చనిపోయాడు.
రాముడి శిరస్సు వేరవడము చూసి లక్ష్మణుడు దిక్కులుపట్టి పారిపోయాడు. జాంబవంతుడు, సుషేణుడు, గంధమాదనుడు, శతబలి, అంగదుడు మొదలైన వీరులందరూ మరణించారు.
మిగిలిన వానరములను సముద్రములోకి తోసేసారు. లక్ష్మణుడు మాత్రం కొంతమంది వానరములతో కలిసి పారిపోయాడు. ఇదుగో నీ భర్త శిరస్సు చూసుకుని సంతోషించు ” అని చెప్పి అక్కడున్న ఒక రాక్షస స్త్రీని పిలిచి ” రాత్రి ప్రహస్తుడు రాముడి శిరస్సుని వేరు చేసి తీసుకొచ్చాడు. విద్యుజిహ్వుడిని ఆ శిరస్సు తీసుకురమ్మన్నానని చెప్పండి ” అన్నాడు.
విద్యుజిహ్వుడు తీసుకొచ్చిన రామ శిరస్సుని, బాణములని, కోదండాన్ని అక్కడ పెట్టారు. వాటిని చూడగానే సీతమ్మ నేల మీద పడి మూర్చపోయింది. రావణుడు ఆ కోదండాన్ని, బాణాలని సీతమ్మ దగ్గరికి విసిరేసి ” సీtaa! ఇప్పటికైనా నువ్వు నా పాన్పు చేరుతావా! ” అన్నాడు.
సీతమ్మ ఆ శిరస్సుని పట్టుకొని రాముడిదో కాదో అని అవలోకనం చేసి చూసింది. అది యధాతధంగా రాముడి శిరస్సులా ఉన్నది. సీతమ్మ ” రామా ! నాకు చాలా సౌభాగ్యము ఉన్నదని, నువ్వు దీర్ఘాయిష్మంతుడవని పెద్దలు, జ్యోతిష్కులు చెప్పారు. ఇవ్వాళ ఆ జ్యోతిష్కులు చెప్పిన మాట అబద్ధమయ్యింది.
నువ్వు గొప్ప యజ్ఞాగ్నితో అంతిమ సంస్కారం జరుపుకోవలసినవాడివి, కాని ఇవ్వాళ దిక్కులేకుండా యుద్ధ భూమిలో పడిపోయి ఉంటే కౄరమృగములు నీ శరీరాన్ని తినేస్తు ఉండి ఉంటాయి.
భార్యయందు దోషం ఉంటే భార్య ప్రవర్తనయందు విశేషమైన వైక్లవ్యం ఉంటే భర్త వెళ్ళిపోతాడని శాస్త్రం చెబుతుంది. నాయందు ఏ దోషముందని నాకన్నా ముందు వెళ్ళిపోయావు ” అని సీతమ్మ ఏడ్చింది.
సీతమ్మ అలా ఏడుస్తుంటే చిరునవ్వులు చిందిస్తున్న రావణుడిని చూసి ఆమె ” ఇప్పటికైనా నా శిరస్సుని రాముడి శిరస్సుతోటి, నా కాయాన్ని రాముడి కాయంతోటి కలిపి అంత్యేష్టి సంస్కారము పూర్తిచెయ్యి. ఈ ఒక్క కోరిక తీర్చు ” అని అన్నది.
అదృష్టవశాత్తు అదే సమయములో అక్కడికి ఒక భటుడు వచ్చి ” మహారాజ! మీకోసం ప్రహస్తుడు ఎంతో ఆదుర్దాతో ఎదురుచూస్తున్నాడు. మీరు వెంటనే సభకి రావలసింది ” అన్నాడు. Vaalmiki Ramayanam – 66
రావణుడు అక్కడినుంచి వెళ్ళిపోయాడు. రావణుడు వెళ్ళగానే ఆ శిరస్సు ధనుర్బాణములు అదృశ్యమయ్యాయి. ఏడుస్తున్న సీతమ్మ దగ్గరికి విభీషణుడి భార్య అయిన సరమ వచ్చి ” నువ్వు శోకించకమ్మా నాకు అపారమైన శక్తి ఉన్నది.
నేను ఆకాశములో నిలబడినప్పుడు ఎవ్వరికీ కనపడను. నేను రాముడిని చూసాను. ఆయన గుండ్రమైన బాహువులతో ఆ వానర సైన్యాన్ని కాపాడుతూ ఆవలి ఒడ్డున ఉన్నాడు.
అంత అప్రమత్తముగా రాముడు నిద్రపోతాడా ? రాక్షసులు రాముడిని సంహరించగలరా? ఇంద్రుడు దేవతలని రక్షిస్తున్నట్టు రాముడు వానరములని రక్షిస్తుంటాడు. నేను ఇప్పుడే చూసి వచ్చాను ఇది విద్యుజిహ్వుడి మాయ.
అందుకనే రావణుడు వెళ్ళగానే ఇక్కడున్న శిరస్సు అంతర్దానమయింది. రావణుడి మాయలు నమ్మకు. ఉపశాంతిని పొందు ” అన్నది.
సీతమ్మ “నువ్వు చెప్పినది నిజమైతే రావణుడు ఇప్పుడు ఏమి చేస్తున్నాడో చూసి నాకు చెప్పు ” అని సరమతో అన్నది.
సరమ రావణుడి అంతఃపురానికి వెళ్ళి కొంతసేపటికి తిరిగొచ్చి ” ఇప్పుడే నేను విని వచ్చాను రావణుడి తల్లి కైకసి, ఒక వృద్ధుడైన మంత్రి రావణుడికి నచ్చచెప్పారు.
‘ ఏది ఏమైనా సీతని విడిచిపెట్టడం జరగదు ‘ అని రావణుడు అన్నాడు. రాముడితో యుద్ధం చెయ్యడానికి కారణం చెప్పకుండా సైన్యాన్ని పిలవమన్నాడు. రాక్షసుల కోలాహలం గట్టిగా వినపడుతోంది.
మేరు పర్వత శిఖరాల చుట్టూ తన గుఱ్ఱముల మీద ఎక్కి తిరిగే సూర్యనారాయణమూర్తిని ఉపాసన చెయ్యి. నీకు సమస్త శుభములు కలుగుతాయి ” అని చెప్పింది. సరమ మాటలకి సీతమ్మ ఉపశాంతిని పొందింది.
ఈలోగా మాల్యవంతుడు(తాత వరస) రావణుడి దగ్గరికి వచ్చి ” సృష్టిలో ధర్మం ఎప్పుడూ కూడా దేవతల వైపు ఉంటుంది. అధర్మం అసురుల వైపు ఉంటుంది. అధర్మపక్షం ధర్మపక్షం చేత ఓడింపబడుతుంది.
నువ్వు సీతమ్మని అపహరించి తెచ్చినప్పటినుంచి దుర్నిమిత్తములు కనపడుతున్నాయి. అందుకని మనం ఓడిపోక తప్పదు. నువ్వు సీతమ్మని తెచ్చినప్పటినుంచి, తెల్లటి రెక్కలు ఉండి ఎర్రటి పాదాలతో ఉండే పావురాలు అరుస్తూ గోల చేస్తున్నాయి.
ఇంట్లో పెంచుకునే చిలకలు, గోరింకలు మంచి మాటలు చెప్పడం మానేసి వీచి-కూచి మాటలు చెబుతున్నాయి. ఎక్కడినుంచో కౄరమైన పక్షులు వచ్చి వీటితో యుద్ధం చేస్తున్నాయి.
ఏ ఇంటిముందు చూసినా నల్లనివాడు, బోడిగుండువాడు, ఎర్రటి వస్త్రములు కట్టుకున్నవాడు ఉదయము సాయంకాలము ఇళ్ళల్లోకి తొంగిచూస్తున్నట్టు కనపడుతున్నది.
వచ్చినవాడు సామాన్యుడు కాదు, శ్రీ మహావిష్ణువు వచ్చాడు. సీతమ్మని రాముడికి అప్పగించి సంధి చేసుకుని బతికిపో నా మాట విని యుద్ధం చెయ్యకు ” అన్నాడు.
రావణుడు ” చేతిలో పద్మములేని లక్ష్మీదేవి ఎంత అందంగా ఉంటుందో అంత అందంగా ఉన్న సీతని నేను వదులుతానా ! రాముడు గొప్పవాడే కావచ్చు కాని నేను కూడా సురాసురులని ఓడించాను. Vaalmiki Ramayanam – 66
అందరూ నాకు నీతులు చెబుతున్నారు కాని నన్ను ప్రోత్సహించే వాడు కనపడడము లేదు. మీరందరూ బుద్ధిహీనులు. తాత! నువ్వే కాదు ఒకవేళ బాణం పెట్టి నా శరీరాన్ని రెండుగా చీల్చినా, కత్తి పెట్టి నా శరీరాన్ని రెండుగా నరికేసినా ఆ రెండు ముక్కలు మాత్రం ముందుకి వంగవు. వెనక్కే పడిపోతాయి. ఒకరిమాట వినడము నాకు చేతకాదు. ఇది నా స్వభావం ” అని చెప్పాడు.
రాముడు లంకా పట్టణాన్ని చూద్దామని సువేల పర్వత ఎక్కాడు. అప్పుడే ఎదురుగా ఉన్న అంతఃపురంలోకి రావణుడు విశేషమైన మాలలు, వస్త్రాలు వేసుకుని బయటకి వచ్చాడు.
అలా వస్తున్న రావణుడిని చూసిన సుగ్రీవుడు ఆగ్రహించి ఒక్క దూకు దూకి రావణుడి మీద పడ్డాడు. ఇద్దరూ పోడుచుకున్నారు, కొట్టుకున్నారు, రక్తాలు కారేటట్టు గుద్దుకున్నారు. రావణుడు మాయలు ప్రదర్శించడం మొదలుపెట్టాడు.
వీడు మాయా యుద్ధం చేస్తున్నాడని సుగ్రీవుడు ఎగిరి మళ్ళీ రాముడి పక్కకి వచ్చేశాడు. రాముడన్నాడు ” సుగ్రీవ! ఇలా నువ్వు వెళ్ళిపోయావే నీకు ఏదన్నా అయితే నాకు సీత ఎందుకు? లక్ష్మణుడు ఎందుకు? భరతుడు ఎందుకు?
శత్రుఘ్నుడు ఎందుకు? నేను మనస్సులో ఏమనుకున్నానో తెలుసా? ఒకవేళ రావణుడి చేతిలో నీకు జరగరానిది జరిగితే, ఈ రావణుడిని ఇక్కడే చంపి విభీషణుడికి పట్టాభిషేకము చేసి, లక్ష్మణుడిని వెనక్కి పంపి భరతుడిని రాజ్యం ఏలుకోమని చెప్పి నేను కూడా శరీరాన్ని ఇక్కడే విడిచిపెట్టి వెళ్ళిపోదామనుకున్నాను.
నువ్వు లేకుండా నేను ఒక్కడినీ మాత్రం వెనక్కి వెళ్ళకూడదని నిశ్చయించుకున్నాను. ఇంకెప్పుడూ ఇలాంటి సాహసాలు చెయ్యకు ” అన్నాడు.
అంగదుడిని పిలిచి రావణుడి దగ్గరికి రాయబారానికి పంపారు. రాముడు అంగదుడితో ” నువ్వు ఎందరో మహర్షులని బాధలు పెట్టావు, ఎందరో స్త్రీలని అపహరించావు. నువ్వు చేసిన పాపాలకి దండన విధించడానికి నా భార్యని కూడా అపహరించావు కనుక నీయందు దోషమున్నది. నిన్ను నేను సంహరించవచ్చు.
ఇవ్వాళ లంకాపట్టణమునకు వచ్చాను. ఏ దేవర్షులని, రాజులని నిష్కారణంగా వధించి పంపించావో ఆ మార్గంలోనే నిన్ను పంపిస్తాను. అంతఃపురం విడిచి బయటకి రా ” అని రాముడు రాయబారం పంపించాడు.
అంగదుడు వెంటనే వెళ్ళి రావణుడితో ఈ మాటలు చెప్పాడు. ఆ మాటలు విన్న రావణుడు ఆగ్రహించి తన సైనికులతో అంగదుడిని పట్టుకోమని చెప్పాడు.
ఆ సైనికులు అంగదుడిని పట్టుకోబోతే అంగదుడు ఆ సైనికులతో సహా పైకి ఎగిరి ఒళ్ళు దులుపుకున్నాడు. సైనికులందరూ కింద పడిపోయారు. అంగదుడు వెళ్ళిపోతూ రావణుడి అంతఃపుర ప్రాసాదాన్ని ఒక్క తన్ను తన్నాడు. ఆ దెబ్బకి ఆ ప్రాసాదం ఊడి కదిలిపోయింది.
రావణుడు వెంటనే ద్వారాలన్నీ మూయించేసాడు. యుద్ధం ప్రారంభం అవుతున్నది అందరూ సిద్ధంకండి అన్నాడు. తూర్పు దిక్కుకి సర్వసైన్యదికారి అయిన ప్రహస్తుడిని మోహరించాడు.
దక్షిణ దిక్కుకి మహోదర, మహోపార్షులని నియమించాడు. పశ్చిమ దిక్కుకి ఇంద్రజిత్ ని పెట్టాడు. ఉత్తర దిక్కుకి సుక సారణులని పెట్టి, నేను మీతో యుద్ధానికి వస్తాను అన్నాడు. ఇదంతా చూసిన విభీషణుడి గూఢచారులు విషయాన్ని వెనక్కి వెళ్ళి చెప్పారు.
రాముడు ” తూర్పు దిక్కున ఉన్న ప్రహస్తుడిని మన సర్వసైన్యాధికారి అయిన నీలుడు ఎదుర్కొంటాడు. దక్షిణ దిక్కున ఉన్న మహోదర, మహోపార్షులని యువరాజైన అంగదుడు ఎదుర్కొంటాడు. Vaalmiki Ramayanam – 66
పశ్చిమ దిక్కున ఉన్న ఇంద్రజిత్ ని హనుమంతుడు ఎదుర్కొంటాడు. ఉత్తర దిక్కున ఉన్న సుక సారణులకి నాయకత్వం వహించి రావణుడు ఉన్నాడు కనుక లక్ష్మణుడితో కలిసి నేనే వెళ్ళి ఎదుర్కొంటాను. నాలుగు దిక్కులా యుద్ధం ప్రారంభం అవుతున్నది బయలుదేరండి ” అన్నాడు.

Leave a Reply